උතුම් සම්බුදු තෙමගුල...

සල් වන උයනෙහි නන් විසිතුරු මැද 
සුවඳ මලක් පිපුණා -දෙව් බඹ සාදුකාර නැගුණා 
සසර දුක කෙලවර වනු දැනුණා 
සත් පියුමන් පිපුනා -බෝසත් කුමරුන් පිළිගැනුණා 

සහසක් කප් කල් පැවතුනු මොහඳුරු 
තිමිර පටල පිසදා -ගයා හිස ආලෝකය නැගුනා 
බුදු රැස් තිලොවම එකළු කළා 
සිව් සත විවර වුනා -නිවනෙහි රුවන් දොරටු හැරුණා 

ලොවට නිවන් මග පෙන්වූ මෙහෙවර

කළ කිස නිම වූ දා -පහන් ටැඹ දිලුනු පහන නිවුණා 
සමිඳුන් පිරිනිවනින් නිවුනා 
අකලට පිපි මල් පරවී වැටෙමින් අනියත පළකෙරුනා 

පද රචනය:- සුනිල් ඊ ගුණසිරි

නියෝජ්‍ය විදුහල්පති : චන්දජෝති දහම් පාසල